Afmæli Kristins

Afmælisdagur Kristins. Fyrst opnaði hann pakkana sína í sófanum með aðstoð Kötlu.


Svo fékk hann köku, glöggir átta sig á að það hefði verið hægt að byrja á nafninu aðeins lengra til vinstri, nn:in 2 eru vel klesst í lokin, sumt lærir maður aldrei.. Enn gleggri taka eftir bjórflöskunni í bakgrunni, til að taka af allan vafa tek ég fram að hann var ekki drukkinn með morgunmatnum, svo afslöppuð erum við ekki í sumarfríinu.


Svo fórum við í tívolí að ósk afmælisbarnsins. Þar var þessi mynd tekin í paparazzi-stíl, Kristinn var með Manchester United trefilinn sem hann keypti sér fyrir afmælispeninga. Þarna eru þeir feðgar nýkomnir úr víkingaskipinu sem sést (eins og Kristinn var að benda mér á) á því að hann er með trefilinn þétt bundinn um hálsinn svo hann myndi ekki fljúga af.
Er ekki ótrúlegt að þessi unglegi og myndarlegi maður við hlið hans sé faðir 9 ára drengs og bráðum 3ja barna faðir. Það finnst mér.


Í tívolí vorum við svo heppin að lenda á sýningu hjá Tobbe töframanni sem er mjög skemmtilegur fyrir krakka og foreldra.


Alveg óvænt hittum við Hlyn vin og fjölskyldu hans í tívolí. Þeir skelltu sér saman í víkingaskipið félagarnir.


Katla og Kristinn fóru saman í þetta hrikalega tæki (þau sjást bæði á myndinni). Eins gott að amma Sigga var ekki með. Mér stóð engan veginn á sama en það var gaman að fylgjast með svipnum á Kötlu sem breyttist frá því að vera pínu óttasleginn yfir í skælbros á nokkrum hringjum.


Daginn eftir var trampólínið sem Kristinn fékk frá foreldrunum og Kötlu sett saman. Þvílíkt ferlíki. Börnin voru fljót að tilkynna mér að í leiðbeiningum kæmi fram að óléttar konur mættu ekki hoppa á trampólíni. Ég sem var að vonast eftir að komast í tengsl við einhvers konar þyngdarleysi...
Þau hafa notað trampólínið mikið, voru m.a. rétt í þessu að koma inn eftir að hafa hoppað í hálftíma með pabba sínum. Öll 3 rennandi sveitt af áreynslu.