óskalistar barnanna

og þetta er það sem blessuð börnin vilja gjarnan sjá í pökkunum sínum....

Katla:

sængurver með Bratz/Barbí
barbínáttkjól
prinsessubarbí
hárspangir og spennur
barbí með bláan kjól (álfabarbí)
þyrnirósabarbí
prinsessubúning
þyrnirósbúning
bangsímonpúsl
barbípúsl
spil sem er prinsessa og prins
bleikt hár
hlutir í dúkkuhúsið (Lundby), t.d. lítið barn, hunda, gardínur, rúm o.fl.

og viðbót frá foreldrunum:
útivistarsokka (ullar/annað)
buxur (hún notar stærð 104)
náttkjól
peysu
stuttermabol
íslenskar bækur
íslenska geisladiska
litabækur


Kristinn:

Mikka mús spólu
jólasveinabúning
Harry Potter legó
púsl (jólasveina-, Mikka mús eða eitthvað, meira en 105 bita)
stuttermabol með dreka framan á (hann notar 122)
dreka-derhúfu
einhverja skemmtilega strákabók
tölvuspil
Spiderman litabók
Incredibles litabók
Incredibles dót

viðbót frá foreldrunum:
útivistarsokka (ullar/annað)
peysu
önnur föt
sængurver
íslenskar bækur
íslenska geisladiska
náttföt

jólaskóli

Hlustendur góðir, nú verða sagðar fréttir...
...þá er tölvan okkar búin að taka okkur í sátt aftur, best að nota tækifærið á meðan hún leyfir bloggskrif, soldið dyntótt þessi elska.
Sl. vika var heimsóknarvika mikil og kominn tími til. Vid fengum Alfreð (bekkjarbróður Sigurðar Yngva) og Björku í heimsókn um síðustu helgi. Hann flytur hingað í janúar og Björk kemur svo frá frh-námi í Kanada næsta haust. Vill svo til að hún er að læra með Láru vinkonu minni. Þessir Íslendingar eru alls staðar eins og oft er sagt í vinnunni minni. Íslendingahópurinn hélt að sjálfsögðu partý svo þau gætu séð hvað er alltaf brjálað stuð hjá okkur. Þar mátti sjá síðkjóla, kokkteila og sæta stráka, mjög gaman.
Svo tók Snorri Einars við þegar þau voru farin. Börnin tóku ástfóstri við hann og Katla spurði í sífellu "hvar er maðurinn sem ég þekki" þegar hann var ekki nálægt. Svo lærði hún nafnið rétt áður en hann fór heim aftur.
Í fyrradag mætti Kristinn klukkan 6.30 í skólann....við héldum að það væri að gera grín þegar tilkynningin um þetta kom fyrst. Sigurður hélt reiðilestur hér heima um að það væri ekki hægt að láta fólk vakna svona snemma, hvað ætti þetta eiginlega að þýða! Fór þó svo að hann fór með Kristni enda var ástæðan sú að allir krakkar skólans gengu fylktu liði með kyndla til kirkju í nágrenninu þar sem haldin var jólastund. Ekki hægt að sleppa því út af syfjuðum foreldrum. Svo gátum við setið hér og drukkið kaffi í rólegheitum áður en haldið var til vinnu. Spurning um að vakna bara alltaf kl 6....einmitt.
Svo eru litlu jólin í Íslendingaklíkunni á morgun, pakkabýtti og piparkökur (stuðlað, tókuð þið eftir?).
Sigurður fer til San Diego á fimmtudaginn, verður í tæpa viku á ameríska blóðlæknaþinginu. Fer með póster með sér og gerir góða hluti. Ekki slæmt að detta inn í sólina í Kaliforníu í desember.
Og þar með lýkur fréttaflutningi í bili, vonir eru bundnar við að jólagjafaóskalisti verði birtur hér um helgina. Sjáum hvort tölvan er í stuði þá,
gleðilega fyrstu í aðventu,
Sunna

af Ameríku og eldgosi

Helgarlok í aðsigi, búin að vera agalega ljúf helgi með öllu þessu helsta: barnaafmæli, matarboði, sundi og svoleiðis. Gerð tilraun til að fara með Kristin í íþróttir, fórum á íshokkíæfingu í gærmorgunn. Vöknuðum sum sé við vekjaraklukku kl. 7 á laugardagsmorgni...og svo var allt liðið drifið út í ískaldan vetrarmorguninn til þess að horfa á 50 krakka skauta með aðstoð stóla á meðan foreldrarnir stóðu kaldir í rigningunni. Agalega sjarmerandi. Kristinn var hins vegar ekkert á því að fara á svellið, er ekkert hrifinn af þessu að þjálfarar séu að flauta og segja manni fyrir verkum og svoleiðis. Sagði svo þegar heim var komið, yfir cornfleksinu, mamma, ég held að pabbi sé að reyna að pína mig í einhverjar íþróttir. Sá sum sé í gegnum foreldrana þessi elska. Mín sagði auðvitað nei, nei, pabbi þinn veit bara hvað það er gaman og við viljum að þú fáir að gera eitthvað sem er gaman. Svo var þetta ekkert rætt meira.
Eins og stundum verður voru foreldrarnir svekktari en barnið í þessu tilfelli. Þau jöfnuðu sig þó fljótt. Líklega nóg fyrir þennan innistrák að vera 2svar sinnum í leikfimi í skólanum í viku og þar að auki í skógarferðum og ég veit ekki hvað og hvað.
Ég kom frá Ameríku í vikunni, var í St Louis sem líklega má muna sinn fífil fegurri, allir fluttir í úthverfin og verslun/þjónusta með. Ég var hæstánægð með þingið, mikið um skemmtilega og góða fyrirlestra. Lærði setningar eins og "there is no such thing as a normotensive diabetic". Agalega mikið fyrir svona flottar fullyrðingar þessir kanar. Svo fór ég með íslenskum nýrnalæknum út að borða eitt kvöldið. Auðvitað mesta stuðkvöldið af öllum, hann kann að skemmta sér Íslendingurinn.
Eitthvað var hægt að versla líka, ef ég hefði haft aðstoðarmanneskju á heimleiðinni til þess að sjá um farangurinn minn hefði ljósblikkandi hálmhreindýr í fullri stærð líklega orðið fyrir valinu. Keypti í staðinn servíettuhringi...
Í fluginu frá Chicago til Köben kom svo tilkynning flugstjórans: því miður verðum við 20 mínútum lengur á leiðinni sökum eldgoss á Íslandi. Ég glaðvaknaði og beið eftir því að áhuga-og áhyggjukliður færi um mannskapinn um borð, það lét á sér standa, öllum slétt sama. Einhver djókaði með að núna væri Ísland líklega horfið fyrir fullt og allt. Haha, voða fyndið.
Annars var merkisdagur í sl. viku, amma í Hvassa hefði orðið 80 ára gömul 4. nóvember. Var að útskýra fyrir Kristni af hverju afar mínir og ömmur hétu amma og afi í Safa og afi og amma í Hvassa hér áður fyrr. Þá spurði hann hvort afi í Safa væri þessi sem myndin er af á Hrauntungunni. Ekki auðvelt að átta sig, en svo kannaðist hann vel við afa Úlfar þegar ég sagði að hann væri örugglega að hugsa um myndina af honum.
Katla er hins vegar mest upptekin af kynjabeygingum lýsingarorða þessa dagana. Pabbi er bestur en mamma er best. Svo spyr Sigurður Yngvi hana rétt áðan: en hver er flottastur? hún svarar að bragði: pabbi, og Kristinn. En við erum flottar segi ég þá, en sú stutta: Nei fínar ekki flottar! Heimsmyndin er skýr.

Það gekk upp.

Ja hérna.
Þetta gekk bara allt saman upp, loforðalistinn sko.
1. Allir hafa verið stilltir og góðir, ef undan er skilið smá rökræður um hvað ætti að vera í kvöldmatinn (pasta vs. pytt i panna) í fyrradag. Pastað vann að lokum með 2 atkvæðum gegn einu auðu og ógildu (Katla sagði bara: ekki pittí, bara pasta, ekki pittí bara pasta).
2. Hafragrautur á hverjum virkum degi, ekki laugardag og sunnudag, auðvitað aðeins verið að teygja sig en samt.
3. Mjög vel heppnuð hrekkjavaka. Allir sænsku krakkarnir og foreldrar voru klæddir eftir nýjustu hrekkjavökutískunni, máluð í framan, með attitude og svona. Katla neitaði að vera eitthvað hræðilegt og vildi annað hvort vera falleg prinsessa eða falleg drottning. Var falleg drottning. Kristinn klæddist sjóræningjabúningi. Ég í blárri flíspeysu, en samt í karakter. Þetta var allavega mjög gaman.
4. Fórum í 35 manna 4 ára afmæli, veitingar eins og í giftingarveislu og stemmning eins og best verður á kosið. Gjöfin okkar (bleik prinsessu Barbie) var að lokum valin besta gjöfin. 2 stig.
5. Kristinn klipptur í dag, ég reyndi að tala eitthvað dulmál við klippikonuna, sem talaði afar slæma sænsku og ég sagði henni að hann vildi láta klippa sítt. Hún var ekki alveg með á nótunum og sagðist þá bara ætla að snyrta í hnakkanum. Þá sagði ég, á dulmáli að það mætti alveg taka aðeins meira og gera smá greiðslu (frisyr) úr þessu. Þá bara þverneitaði hún og sagði að ekki væri hægt að klippa stutt og sítt, ekkert en samt alls staðar og safna en halda samt fínni greiðslu. Ég sagði bara: Du bestämmer, det är ditt yrke, men min pojke. Kom svo bara fínn en nokkuð skorin og bláhærður út.
6. Greinin skrifuð.
7.Hún er ekki komin, kemur á morgun.

Setning helgarinnar
Kristinn: Pabbi, finnst þér skemmtilegt að afi Siggi er dáinn?
SYK: Nei, ástin mín það finnst mér ekki.
Kristinn: En lífið er samt skemmtilegt.

Það er eitthvað til í þessu.

Kær kveðja.