vetrarsport

Tvær vikur á smitdeild og ég er komin með flensuna. Kannski ekki svo skrýtið miðað við alla sjúklingana sem eru búnir að hósta framan í mig sl. 2 vikur, geri ráð fyrir að byggja upp ofur-ónæmiskerfi á næstu 5 mánuðum. Krakkarnir alltaf jafn frískir, það er gamla góða lýsið - ekki spurning.
Kristinn og Katla fóru í fyrsta sinn á ævi sinni á skíði sl. helgi. Við skelltum okkur til Flottsbro, skíðasvæði með 4 brekkum og 3 lyftum sem er rétt hjá Huddinge spítalanum. Þau fóru ekki í lyftu, létu sér nægja að vera í smá halla og prufa sig áfram. Þau voru ótrúlega dugleg að standa á skíðunum og skemmtu sér konunglega. Við brostum hringinn og tókum myndir í gríð og erg.
Katla fór með pabba sínum í ballett-tíma sl. helgi en var svakalega svekkt yfir því að fara alltaf á sama staðinn, var bara inni í 10 mínútur og neitaði svo. Sjáum til hvernig verður næsta laugardag - kannski hægt að múta henni með nýrri balletthárteygju...
Kristinn er á skautum með skólanum í dag. Aðalvinurinn í skólanum núna heitir Viktor, þeir leika sér með Yogiyou-spil alla daga á skóladagheimilinu, tala um þau, teikna af þeim og svo kemur hann heim og vill halda áfram að leika yogiyou við okkur. Maður er orðinn nokkur góður í að leika Exotia, Dark hole og Dark magician hlaupandi um allt hús.
Meira síðar.

fönn fönn fönn fönn íslensk fönn

Nú er bara búði að skora á mann að skrifa, þá er ekki annað að gera. Finn nú muninn hvað hún er lipur í skrifunum nýja tölvan mín, miklu stirðari þessi gamla sem Sigurður á.. Svo er prentaraljósritunarskannarinn kominn upp á skrifborð, reyndar alveg ótengdur enn, en það skiptir minna máli, er bara svo fllllottur.
Pabbi hringdi í mig áðan, fannst hann orðinn svolítið gamall þegar forstjóri Flugleiða er Ragga vinkona. Ég er búin að fá nokkur svona hissa-samtöl í dag yfir þessum merkilegu og stórsniðugu fréttum, ánægð með að þeir skilji hvað þeir hafa í höndunum í þessu ágæta fyrirtæki. (tókuð þið eftir því hvernig ég kom því lymskulega að að ég þekki Röggu?).
Við héldum afmæli fyrir Kötlu á sunnudaginn, Ásgeir og Dísa voru stödd hérna um helgina og fyrir vikið varð undirbúningurinn mjög afslappaður og ligeglad. Afmælið varð samt hið glæsilegasta með prinsessu-brúnköku í svona naívistískum stíl og afmælisbarnið alsælt. Fékk góða blöndu af dóti, m.a. karlkyns-barbí (þó ekki Ken) sem varð fyrir valinu því Dísu fannst hann minna svo á Sigurð Yngva...! á ég að vera ánægð eða..?
Kristinn og Tóma Jökull eru svo frábærir félagar að brosin og prakkarasvipirnir fara varla af þeim frá þeirri mínútu sem þeir hittast og þangað til nokkrum klukkustundum fyrir lok heimsóknarinnar. Það bregst ekki að þá verða þeir allt í einu pirraðir hvor út í annan, einhvers konar varnarháttur er túlkun foreldranna.
Sigurður fór í fyrsta sax-tímann í dag, var eins og hann ætlaði sér bestur í tímanum, sá eini sem var búinn að æfa sig. Svíarnir í tímanum biðu auðvitað eftir kennslu áður en þeir fóru eitthvað að fikta í hljóðfærinu. Annað er auðvitað bara fífldirfska. Kristinn sagði afa Jóni í símann að "pabbi er í saxófóntíma með einhverju fólki sem kann ekki að spila, hann fær örugglega rosalega illt í eyrun", bregst ekki trúin á fyrirmyndina.

Og svo svona örstutt fréttaskot að lokum:
mikið fannfergi stop Kristinn í Tom-Tits tilraunasafnið á morgun stoop Katla byrjuð í balletskóla stop ég ánægð á smit stop íslenskt stelpubjórkvöld um helgina stop
lifið heil

Leiksigur

Höfum haft frábæra gesti hér um helgina, Siggu, Drífu og Silju. Búin að hafa það hrikalega gott, borða íslenskt sælgæti, fara á skauta, Katla fór í fyrsta balletttímann og svo héldum við upp á smáafmæli fyrir Kötlu. Fékk reyndar fullt af gjöfum en gat þó ekki stillt sig um að gráta í lokin og vildi enn fleiri pakka. Svo fórum við Sunna, Drífa og Alfreð út að borða í gærkvöldi. Sigga passaði gríslingana sem fengu að borða popp upp í rúmi.

Á laugardaginn var svo opið hús í skólanum hans Kristins þar sem allir krakkarnir og fjölskyldur þeirra fylgdust með þeim í kennslu og leik. Meðal annars áttu krakkarnir að vera með stutta leikþætti þar sem öll börnin fengu lítil hlutverk. Allir krakkarnir hvísluðu sínar setningar þar til kom að Kristins þætti Sigurðarsonar. Hann mætti í hlutverki reiða fangavarðarins, í þvílíkum karakter og skipaði að Valentínusi yrði hent í steininn. Þar var sko ekkert hvíslað, heldur öskrað og svipbrigði í stíl. Vakti þetta auðvitað mikla hrifningu allra viðstaddra sem hlógu dátt. Önnur innkoma þegar Valentínus var húðskammaður og síðar hálshöggvinn var ekki síðri. Vegna þess að ég er auðvitað ekki hlutlaus aðili heldur faðir leikarans leyfi ég að fljóta með nokkra setningar sem flugu að lokinni sýningu: "Frábær þessi sem lék fangavörðinn", "þú varst bestur af öllum", "duglegur þessi sem lék fangavörðinn", "stjarna sýningarinnar!". Sjálfur var Kristinn hógværðin uppmáluð eins og pabbi sinn og sagði bara "Vadå, bäst av alla?"

Kær kveðja, þarf að fara að æfa mig.
Sigurður Yngvi

montblogg

Var ad birtast "medicinsk kommentar" eftir mig í saenska laeknabladinu, jíhaaa! Áhugasömum er bent á www.lakartidningen.se, stendur undir fyrirsögninni läkartidningens nyhetsbrev. Gaman gaman.

spenna

Nú magnast spennan á Mýrarverkunargötu (endilega komid med adra thýdingu ef ykkur dettur í hug, heldur óthjált) thví á morgun maeta mamma, Drífa og Silja í heimsókn. Thessa er bedid med mikilli eftirvaentingu, krakkarnir vöknudu í morgun og hrópudu "Á MORGUN KOMA SILJA OG DRÍFA OG AMMA SIGGA". Í eldhúsglugganum eru tvaer kartöflur med tannstönglum, ein fyrir heimsóknina og hin fyrir afmaeli Kötlu. Henni fannst fúlt ad afmaelid hennar verdi ekki thegar thaer eru í heimsókn en gladdist thegar útskýrt var ad thetta fjölgadi afmaelisveislunum frekar en hitt. Er nú alveg sátt.
Vid vonumst til thess ad thad verdi svona fallegt vedur alla helgina, getum thá raektad nýju náttúrubarnahlidina okkar alveg í botn og farid á sleda og skauta og fleira. Drífa og ég eigum okkur fortíd innan skautabransans og erum alvarlega ad íhuga ad selja inn á stutta sýningu um helgina med pírúettum, áttum og söxum (afturábak og áfram). Allir velkomnir.
Mátulega fyrir heimsóknina eykst tölvukostur heimilisins til muna thví í dag kemur sending til mín med tölvu og prentara. Óspennandi frétt thykir kannski sumum, en bídid bara. Hér erum vid ekki ad tala um einhvern medaljóns-prentara, o nei. Prentari thessi getur skannad og prentad og ekki nóg med thad. Thegar búid er ad prenta skjalid thá getur hann ljósritad thad líka. Sjá allir ad thetta er Ofur-prentari. Og komment eins og "er ekki bara haegt ad prenta út í fleiri eintökum" eru óthörf! Helgi, vid vitum ad Sigurdur mun átta sig...
Hér er ég búin ad drekka morgunkaffi med manninum mínum í vinnunni minni (nei hann er ekki ad skipta um vinnustad..ennthá, bara kominn hingad á 3ja daga kúrs) og mun svo snaeda med honum hádegisverd líka. Ekkert jafnast á vid rómantík á vinnustad.
Gódar stundir.